మనసునేలు మాధవుడిని తలవాలని ఉండదా
ప్రాణమిచ్చు ప్రేమికుడిని కలవాలని ఉండదా
మెరుపుతీగవంటు నన్ను మురిపెముగా పిలిచితే
మురిసిపోతు చెంతచేరి నిలవాలని ఉండదా
తమలపాకులంటు కళ్ళకద్దుకుంటె పదములు
ధన్యములై చేతులెత్తి కొలవాలని ఉండదా
అమృతమంటు మధువు అంటు అధరముల పొగిడితే
పరవశించి పెదవి విప్పి పిలవాలని ఉండదా
నవ్వుముఖము దుఃఖములకు ఔషధమని తలచితే
సర్వమోడియైన నువ్వే గెలవాలని ఉండదా
ముద్దబంతివి పూలరెమ్మవి జాబిలి నీవంటుంటే
మరలమరల ఈ నేలనే మొలవాలని ఉండదా
(20-3-14)
